شامبو جسم من صنع ايدك يبيضك مثل الثلج
والأشياء اللي نحتاجها مع فوايدها
1-صابونه الكركم -وحدة فقط------------------------ ( تبييض+ نظافة+ تشيل الحبوب الدهنيه بالجسم )
2-صابونه الغار-وحدة فقط-------------------------- ( تبييض + نظافة وتشيل الحبوب وتصفي)
3-صابونه البابايا -وحدة فقط-------------------------( تبييض + تشيل الحبوب وتوحد اللون)
4-ماي ورد غرشه كامله------------------- ( ترطيب نعومه تبييض)
5-ربع ملعقه كبيره كركم جسم ------------------------( تبييض)
6-ملعقة كبيره ملح خشن -------------------( تطهر الخلطة + نظافة)
7-1صابونة الجلسرين اواي نوع من الجلسرين ( مرطب ومبيض + منظف)
8-ملعقة وسط نشا-------------------------- ( تبييض + لتماسك الخلطة)
والحين نبشر صابونه الكركم وصابون الغار وصابونه البابايا
نبشرهم في المبشاره مالت السلطة
نبشرهم والان اصبح عندك كميه من الصابون المبشور
نخليهم ونروح نأخذ قدر ونحط فيه ماي ورد كله و4ملاعق كبار مبشور صابونة الجلسرين وبعدين الكركم مال الجسم اشويه وبعدين ملح خشن ونحركم ونحطهم على النار وإذا سخن اشوي بس الماي نحط الصابون كله مع بعض ونحرك راح تلاحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه كنها عصيدة
بيذوب وتتكون عندك الخلطة والحين إذا سخنت الخلطة وبدت تبقبق اشوي حركيها بعد اشوي وإذا حسيتها اندمج مع بعضها المكونات وصارت على شكل خلطه وشيليها من النار وحطي قفشه النشا على طول واهيا حارة على الخلطة وحركيها عدل
وبعدين تكون الخلطة جاهزه فرغيها بس في علبه أو مطبق نايلون اللي يكون له غطا وغطيها ونتركها على ما تبرد ونبدي نستخدمها عادي وراح تكون مثل أي صابون عادي ماراح تخترب ولا راح يضرها شي إن شاء الله
طريقة استخدامها:
مع كل استحمام استخدميها اخذي كميه في ايدك وفركي فيها جسمك كامل ومع الوجه حتى الرقبة والمنطقة الحساسة والإبط وخليها عليج من 2- 3 دقايق او اذا تبين اكثر وغسليها والتنتيجيييه شي خيالي بياض ولون منور وحلو
